Thursday, 19 February 2015

Gong Xi Fa Cai

අලුත් අවුරුද්දට කලින් ලෝකාවසානය  සේ ඇඟේ හැපෙමින් පොරකමින් බඩු එක්කහු කරන්නේ ශ්‍රී ලාංකිකයින් පමණක් කියා ඉස්සර සිතා සිටි එක හොඳටෝම වැරදිය. ඉස්සර අවුරුද්දෙන් පසු බේකරි දවස් කීපයක් වැඩ නොකරන නිසා පාන් නැති වේ. රොටි හදන්නට පාන් පිටි ,කිරිබත් වලට හාල්  අලුත් මුට්ටි, නෑයන්  කෑමට එන නිසා මොජු හදන්නට බටු ,නොවරදින බෝංචි, පරිප්පු අල ලුනු ආදී අත්‍යවශ්‍ය දේ අවුරුද්දට කලින් ගෙනත් තියා ගැනීම ඒ කාලයේ අනිවාර්ය විය.
සුපර් මාකට් එකට ගිහින් යන්තම් බඩු ටික අරගෙන එලියට ආවේ පුදුම අමාරුවකින්. මුහුණුපොතේ රසසරණියේ කොස් පොලොස් උයා තිබෙනවා දැක හුඟ දවසක සිට පොලොස් කන්නට පුදුම පෙරේතකමක් ඇතිවී තිබිණි. ටෙක්කා මාර්කට් එකේ පොලොස් ඇති බවට ලැබුණු ඔත්තුවක් නිසා ඊයේ එහි ගියද මොන පොළොස්ද . සිතා සිටි ඒවායින් ගොටුකොළ පමණකි ලැබුණේ.
අද සහ හෙට චීන අවුරුදු නිවාඩුය.
ජින්සෙන් කුමාරි පොත කියවා කාඩ් බෝඩ් පෙට්ටියක බැස ප්ලාස්ටික් බැට් එකෙන් හබල් ගසමින් " චීනෙට යනවා " කියමින් සෙල්ලම් කල ලොක්කි සහ අපි දැන් අවුරුදු අටක් තිස්සේ චීන හැඩති මුහුණු දකිමින් චීනය අවට රටවලරටවල  කරක් ගසමු.
ලෝක සම්මතයට ජනවාරියේදී නව වසර උදාවෙනමුත් අපිට අප්‍රේල් වාගේ මේ රටවල නියම අවුරුදු උදාව ජනවාරි අග හෝ පෙබරවාරි යේ දී ලුනා අවුරුද්දයි.

වියට්නාමයේදී TET ලෙසත් සිංගප්පුරුවේදී CHINESE new year ( ෂෝට් and ස්වීට්  CNY ) ලෙසත් මෙය හඳුන්වයි.
මේ චීන අවුරුද්ද ගැන පරණ ලිපි කියවන්න.
මුළු නැගෙනහිර ආසියාවම එහාට මෙහාට ගමන් කරන කාලයයි. ලොකු රටක් වූ වියට්නාමයේ නගර සට්නියක් දෙකක් පාළු  වේ. අපේ කොළඹ හිස් වන්නාසේ ම නගර වැසියන් අක්මුල් සොයා ගම දනව් වලට යන කාලයයි. චීනයේ ලොකුම ගමනාගමන තදබදය ඇති වන්නේ මේ සමයේය.සයිගොන් වල සිටි සමයේ නගරයේ උයන් ගේදොර කහ පාට අප්‍රිකොට්  (HOA  mai )මලින් හැඩවෙනු දුටු මා උතුරු වියට්නාමයේ රෝස පැහැති පිච්( HOA DAI ) මල වැඩියෙන් දුටිමි.
කහ තැඹිලි මැන්ඩරින්  , කම්කුවට් වැනි දොඩම් වර්ග නම් දෙපලාතේම වෙනසක්  නොවුනි.
සිංගප්පුරුව  ඒ මේ අත බලන විට දෙකෙළවර හමුවන තරමේ කුඩා නගරයකි.
ගම කියා යන්නට තැනක් කොහිද.
නමුත් මෙහි බොහෝ දෙනෙක් හට මැලේසියාවේ අක්මුල් ඇත. ඔවුන් නම් වැට පැන ගමට යත්.
ඈත කල චීනයෙන් පැමිණි අය නම් සිංගප්පුරු වැසියන් ලෙස මිස චීන සම්භවය ගැන එතරම් වගක් නැත. යම් පමණකට චීනයෙන් අපගමනය වී සිංගප්පුරු  ලෙස වෙනස් වී ඇත.
නමුත් චීන අවුරුද්ද නම් ජයට සමරති. දෙමාපියන් බැලීමට යාම තෑගී දීම ආදී අපේ අවුරුදු සිරිත් වලට සමාන අංග මෙහිත් ඇත.
අතිශය බටහිර කරණය වූ සිංගප්පුරුව වියට්නාමය  තරම්ම තදබල ලෙස සිරිත් පිලිපදිනු ඇති බව සිතිය නොහැක.
අපේ පොඩ්ඩි ගේ තායිවාන් යෙහෙලියක් සහ  සිංගප්පුරු මිතුරියක්ද  අන්නාසි ටාර්ට් ඒවා තිබුණි. ඒවා කෑමෙන් සුබ නව වසරක් ලැබෙන බවයි ඔවුන් කීවේ.
මැන්ඩරින් ගෙඩි දෙකක් සහ තඩි චොකලට් පෙට්ටියක් සේවා ආයතනයෙන් තෑගී ලෙස ලැබුණි.
මැන්ඩරින් ගෙඩි දෙකක් දීමත් අවුරුදු සිරිතකි.
ගෙවල් වලද කුඩා මැන්ඩරින් පඳුරු තබා තිබෙනු පෙනේ. එයට අමතරව නා ප්‍රකාර ගස් වර්ග ගෙවල් වලටවලට  ගෙන යන බව දුටිමි.
වියට්නාමයේ තරම් මල් නම් නැත්තේ පිටින් ගෙන්වන නිසා මිල අධික වීම නිසා විය යුතුය. නමුත් ගුවන් තොටුපළ මෙන්ම නගරයේ විශේෂිත ස්ථාන නම් ලස්සණට සරසා ඇතිවාට සැකයක් නැත. අද හෙට ගොසින් පින්තුරයක් දෙකක් එකතු  කරන්නට බලොරොත්තු වෙමි.
අරහේ සුබ පැතුවේ CHUC MUNG  NAM MOI කියාය.
 මෙහෙ කියන්නේ  GONG XI FA  CAI  කියාය.
 සද්ද නගමින් එය කියන්නට ගොස් ළමයි තාත්තාගෙන් ඇසුවේ.
"Do you speak slang " කියාය.

උදාවන්නේ එළුවාගේ අවුරුද්දයි. නමුත් මාගේ පැතුම ලෝකවාසීන් එළුවන් නොවේවා යන්නයි.
අහිංසක එළු අයිතිවාසිකම් සුරකිමින් එළඹෙන මැතිවරණයන් හිදී පොලිතින් වෙනුවට කඩදාසි පෝස්ටර් ඇලවේවා කියාද  පතමින් අදට නවතිමි.

35 comments:

  1. ගෙවල් විස්සේ කතාවයි, මේකයි එකට කියෙව්වේ.... මට මතක හැටියට පොඩි කාලේ මාටින් වික්‍රමසිංහ ශූරීන්ගේ අපේ ගම පොත බාගයක් කියවගෙන යද්දි, ඉපදුනු ගම් දනව් වල විස්තර කියවීමේ කැමැත්ත ඇමරිකානු රුසියානු ඉන්දියන් පොත් කියෙව්වා කියලා අවසාන වෙලා නෑ කියලා දැනෙන්නේ සේරම වැඩ ටිකකට කල් දාලා මේ කමකට නැති විස්තරේ කියවන්න හිත හදා ගත්තා නේද කියලා කල්පනා කරද්දී... මේ වගේ විස්තර තව තවත් ලියන්න, ඒ මොකද මට තාම මේ හොඳ පුරුද්ද ඇති කල අපේ ගම කියවලා ඉවර කරන්න ලැබුනේ නෑ.... (ඒක කියව කියව ඉද්දිම අයිතිකාරයා උදුරගෙන ගියා.....) ඒ පව මැකෙන්න කියවන්න... :)

    ReplyDelete
    Replies
    1. අපේ ගම තාම කියවන්න බැරි වුනාද. මම නම් මාර්ටින් වික්‍රමසිංහ මහතාගේ පොත් සේරම කියවලා ඉන්නේ. කෙටිකතා වෙළුම් දෙකත් එක්කම. ලෝකේ කොහේ කරක් ගැහුවත් ඉතින් උපන්න තැන අමතක වෙන්නේ නැහැනේ බුද්ධියෝ

      Delete
  2. බින්දි ආපහු ලියන්න ගත්ත එක ගැන සතුටුයි.

    ඔය අවුරුදු හා උත්සව කාල තියෙනවා නේද?

    මාත් අකමැතිම දේ තමයි ඒ කාලේට කඩ වලට යෑම. මෙහේ නත්තල් කාලෙට මාසෙකට කලින් විතර ඉඳන් මිනිස්සු බඩු ගන්න පටන් ගන්නවා. ඒත් අන්තිම දවසටත් පෝලිම. අපි වගේ අන්තිම දවසට බඩු ගන්න යන එවුන්ට එදාටවත් සහනයක් නෑ.
    මට නම් දැන් පෝලිම් සෙනග අස්සේ තෙරපෙන ඒවා වගේ ඒව දරාගන්න බෑ. වයසේ වැරැද්ද වෙන්නැති. මම කරන්නේ ඔන්ලයින් ඕඩර් කරන එක එහෙම වුනාම. ෆිල්ම් හෝල් එකක ටිකට් එක උනත් ගෙදරින්ම ප්‍රින්ට් කරන් යන්නේ දැන්. ඔන්න අපේ ඉවසීම.

    බින්දිටයි සිය පවුලටයි සුභ චීන අවුරුද්දක්...
    මැන්ඩරින් ගෙඩි දෙකක් නම් මොකක්ද? මම නම් කනන් ගත්තම අඩුම තරමේ ගෙඩි පහක් හයක් කිලෝ එකක්වගේ කාලා තමයි ඉවර වෙන්නේ. කොහොමත් වින්ටර් එකට මගෙ ආසම පළතුරු මැන්ඩරින් හා දොඩම්...
    අර ෆෙර්‍රේරෝ රොෂර් කොමැප්ණියේ ලොක්කත් දවස් කීපකෙට කලින් මළා.

    ReplyDelete
    Replies
    1. රංගිට එහෙනම් මෙහෙ ජිවත් වෙන්න අමාරුයි. කොහේ ගියත් සෙට් වෙලා ඇති පෝලිමක්.තුන් හතරදෙනෙක් වුනත් පොඩි පෝලිමක් හදනවා. අපි කලින් හිටිය දිහා නේද ..ආයි කියල වැඩක් නැහැ. එකා පිටේ එකා මරාගෙන පෝලිම් කඩාගෙන දුවන්නේ.
      ඕකනේ ඉතින් බර අඩුකරගන්න බැරි. දැන් ඔක්කොම ඔන්ලයින්. අපිත් ටිකට් හෙම නම් ඔන්ලයින් තමයි. බඩු නම් ගිහින් අත්පත ගාල ගන්නවා වගේ මට අල්ලන්නේ නැහැ ඔන්ලයින් ඕඩර් කෙරිල්ල.
      මේ මැන්ඩරින් චයිනිස් එව්වා අනේ. කන්න හිතක් නැහැ. හොඳ එව්වා නම් ගෝනියක් වුනත් අපේ දිහා එක දවසින් කයි. කොරියන් එව්වා වගයක් ගෙනාව ලඟදි. මාර රසයි.
      ඒක තමයි අර මනුස්සයා මලා කියලා ආරංචි වුනා. ඉටලියන්ද

      Delete
  3. ටෙකා මාර්කට් එකට බඩු එන දවස් තියෙනවා.. පොළොස් නැතිවෙන්ට බෑ බින්දි‍යො‍‍‍..

    ඔයාට තාම ඔහෙ 'ලා නා' බාසාව එපාවුනේ නැද්ද? :-D

    ReplyDelete
    Replies
    1. බුරා ඒ කාලේ උයන් කෑවද ,ටෙකා පැත්තේ කරක් ගැහුවේ. වෙනදට ඇති. ඊයේ ඉතින් ගංවතුරට අහුවෙලා වගේ. අද අපි ජයන්ට් එකට ගියා . එතන ඔක්කොම වැඩට හිටියේ මැලේ සහ ඉන්දියන් ජාතිකයින්. චීනෙක් නැහැ බේතකට.
      මට එච්චර ලා නා කට්ටිය එක්ක කථා බහ කරන්න ලැබෙන්නේ නැහැනේ. දන්නා කියන කීප දෙනා එච්චර ලා නා අය නෙමේ. හැනොයි ඉඳන් ආපු සිංගා යාලුවෙක්ගෙ කොලුවා ඔන්න ආපු ටිකට ගාණට ඕකේ ලා කියන්න අරන්. හැබැයි අපි එක්ක කතා කරද්දී ආයේ පුරුදු ඉංග්‍රීසි මතක් වෙනවා. එක්කෝ එයාගේ යාළුවො අතරේ කොන් වෙයි කියල හිතලම එහෙම කරනවත් ඇති.

      Delete
    2. ඔය පැත්තෙ යන විතරක් නෙමෙයි ඔය "ලා" කතාව මේ අරාබියෙත් තියෙනවනෙ. ඒකට හේතුව "ලා" කියන්නෙ නෑ කියන එක අරාබි බසින්. ඉතින් "ගුඩ් නෝ?" කියන එක මෙහෙදි වෙන්නෙ "ගුඩ් ලා?" කියල.

      "නා" කෑල්ල දානව හින්දි කතාව කරන අයගෙ ඉන්ග්‍රීස් වලදි. "ස්වීට් නා?" වගේ කෑලි නිතර ඇහෙනව.

      Delete
    3. උයන් කෑවෙ නම් නෑ.. ඒ වුනාට ම‍ගෙ යාළුවෙක් එක්ක හැම සතිඅන්තෙම වගේ ටෙකා ගියා එයා ගෙදරට බඩු ගේන්ට යනකොට.. ඔය වගේම අපි දෙන්නා එකතුවෙලා මහ රෑ දොළහට එකට විතර යනවා ජූරොන්ග් පෝර්ට් රෝඩ්, මාළු ගන්ට.. ඒක නිකං මීගමු වැල්ලෙන් මාළු ගන්නවා වගේ.. සතියටම ඇතිවෙන්ට මාළු අරන් තමා එන්නෙ..

      චීන අවුරුදු කාලෙට කඩවලට හෙණගැහුවා වගේ තමා.. වැඩකරන මිනිස්සු විතරක් නෙවෙයි බඩුත් අඩුයි.. ඇයි හැමදේම එන්නෙ චීනෙන් නෙවැ.. එහෙ මාසයක් නිවාඩු..

      අපි ඔය කතාකරන සාමාන්‍ය ඉංගිරිසිවලට මෙයාලා කියන්නෙ 'පපඩම් ඉන්ග්ලිෂ්' කියලයි.. :-)

      Delete
    4. ජුරෝන්ග් අපිට දුරයි. ඔන්න අපේ එක්කෙනාට පුළුවන් වෙයි මාළු ගේන්න . කොහොමත් ගෙදර එන්නේ ඔය පැත්තෙන් . මාළු ගේනවා කිව්වම මතක් වුනා නිටම කතාවක් . ලියන්න ඕන.
      ටෙක්ක යන්නෙත් කලාතුරකින්. ළඟ තියන ෆෙයාර් ප්‍රයිස් හරි ඉන්දියන් කඩෙන් හෙම ශේප් වෙනවා මම නම්.
      බුරා දැන් මෙහෙ හිටිය නම් නියමයි. දැන් අලුත් පරම්පරාව එච්චරම නාන්නේ නැහැ වගේ.
      ඉන්දික ...හින්දි අයනම් අම්මෝ කතාවට නම් බටර් ගෝනි ගණන් තමයි. ස්වීට් නා ගාල මැරෙනවා ලමෙක් හෙම දැක්කම.

      Delete
  4. ඇත්තටම මේ චීන අවුරුද්ද එළුවාගේ නෙවෙයි. බැටළුවාගේ.

    ReplyDelete
    Replies
    1. දෙකම කියනවා නේද. ගෝට් ඉයර් කියලා තමා හුඟක් තැන්වල තියෙන්නේ.

      Delete
    2. මේක එළුවගෙ අවුරුද්ද...

      Delete
  5. නැහැ ඒක නිවැරදි නැහැ. 羊 (Yáng) කියන්නේ බැටළුවා. එළුවා කියන්නේ 山羊(Shānyáng) කියන්නේ එළුවා. කන්ජි වල රූප අනුව තේරුවොත් නම් 山羊 කියවෙන්නේ කඳු වල ඉන්න බැටළුව වගේ එකක්

    ReplyDelete
    Replies
    1. ඇත්තටම දන ගත්තු එක කොච්චර දෙයක්ද. ස්තුතියි ඇනෝ . ඇනෝ හොඳට චීන දන්නා හැඩයි .

      Delete
    2. ඇත්තටම මම නම් වැඩිය චීන භාෂාව දන්නේ නැහැ. චීන භාෂාව උච්චරනය හරිම අමරුයි, එක අකුරක් ශබ්ධ 4කින් ඔවුන් උච්චාරණය කරනවා. අනික චීන බෂාවේ කන්ජි ඕනෙවට වැඩිය සරල කරලා දැන් කන්ජි වල තේරුම හරියට බලාගන්නත් අමාරුයි. මගේ වැඩි ආශාව නම් ජපන් භාෂාවට. ඔවුන් තවම නියම කන්ජි භාවිත කරනවා, ඒ වගේම උච්ච්රනයත් සිංහල අපිට ගොඩාක් ලේසියි. කන්ජි කියන්නේ ලෝකේ වෙනස්ම අදහස් හුවමාරු කිරීම් මාධ්‍යයක්. චීනුන්ට සහ ජපනුන්ට කටින් කතා කරලා අදහස් හුවමාරු කරගන්න බැරි වෙලාවට ඔවුන් කරන්නේ කොලයක් අරගෙන කන්ජි ලියල අදහස් හුවමාරු කරගන්න එක. ලෝකේ ප්‍රථමික සන්නවේදන මද්‍ය්යක් වුන කතා කිරීම, ද්වීත්යික සන්නිවේධ මද්‍ය්යක් වෙන ලිවීමට පරදින එකට එකම සාර්ථක උදාහරණය නම් මං හිතන්නේ කන්ජි. මම නම් හිතන්නේ චීනුන්ගේ ලෝකේ ආක්‍රමණය කිරීමේ වේගත් එක්ක අපේ පාසල්වල කනිෂ්ට දරුවොන්ටත් අවුරුද්දකට කන්ජි 100 විතර විනොදෙට වගේ උගන්නුවට පාඩු වෙන එකක් නෑ කියල.

      Delete
  6. මොනවා වුණත් ඉතින් අපූරු අවුරුදු පැතුමක්!

    ReplyDelete
    Replies
    1. ඔව් නේ. මොකක් වුනත් හොඳ දෙයක්නේ. ඊයේ හුඟක් අය නෑගම් හෙම ගියේ රතු ඇඳන් . පාරවල් හිස්. දැක්කම ඉතින් අපේ අවුරුදු මතක් වුනා

      Delete
  7. දැන් නම් ටික ටික ලියන්න පටන් ගනී වගේ..

    ReplyDelete
    Replies
    1. ආයේ ඇබ්බැහි වුනොත් අබිං කෑවා වගේ තමා

      Delete
    2. ආයේ ඇබ්බැහි වුනොත් අබිං කෑවා වගේ තමා

      Delete
  8. ටෙක්කා වල පොලොස් මාත් දැක්කේ නැහැ. හැබැයි ඒකේ තිබුන දේවල්වල හැටියට නැති වෙන්නත් බැහැ.

    ReplyDelete
    Replies
    1. තියනව කියලා ආරංචි වුනා. නිවාඩු නිසා බඩු අඩුයි . ඔයා එහෙ ගියේ අරහේ යන ගමන්නේ

      Delete
  9. ඔන්න එලුවයි, බැටලුවයි අං පටලෝගෙන.
    මෙන්න කතාව:
    Happy lunar new year, but is it the Year of the Sheep or the Goat?
    මොකා උනත් මොකෑ? සුභ චීන අලුත් අවුරුද්දක් වේවා!

    ReplyDelete
    Replies
    1. මොකා වුනහම මොකෝ. දෙගොල්ලම දක්කන්න පුළුවන් කට්ටියනේ.

      Delete
  10. චීන්නු ලෝකෙ පුරාම වැහි වැහැලනෙ...
    මං හිතන්නෙ රට රටවල ඉන්න චීන්නු ටික ඔක්කම චීනෙට එක දවසක ගියොත් චීන්නුන්ට ඇඩ්ඩස් නැති වෙනව
    හුස්ම ගන්ට ඔස්සිජං ආනයනය කරන්ටත් වෙයි ඕ යේස්...

    සුභ බැටලු අලුත් අවුරුද්දක් වේවා

    ReplyDelete
    Replies
    1. දැනටත් එහෙ ඔක්සිජන් මදි වෙන්න ඇති. පරිසර දුෂණය නිසා..චීනා දැන් අල්ලන්නේ අප්‍රිකාව. ඉතියෝපියා ගිය වෙලේ දැක්කේ එහෙ ඉන්න චීන්නු.

      Delete
  11. Gong Xi Fa Cai !!! ගොන්ගි ෂි ෆචායි......මෙහෙම තමයි මැලේසියාවෙදි උච්චාරණය වෙන්නෙ...අපේ කාර්යාල ගොඩනැගිල්ල ඇතුලත පිටත මේ දවස් වල මල්පෝච්චි වල හිටවපු බේබි නාරං පැල තියලා අලංකාර කරලා තියෙන්නෙ...ගස් පුරාම ගෙඩි...ලංකාවෙ මේ වගේ තියලා තිබ්බා නම් දවස් දෙක තුන යද්දි ගෙඩියක් බේතකට හොයාගන්න වෙන්නෙ නෑ කියලා මම අපේ ඔපීසියෙ එකෙකුට කිව්වා...චීන්නු වසරේ නිවාඩු ගන්නෙ මෙච්චරයි...එක දිගට සතියක් විතරම නිවාඩු...ඒ නිවාඩුව ඉවර වෙද්දි මැලේසියානු අාර්ථිකයත් යම් තරමකට පහළට වැටෙනවා...චීන අලුත් අවුරුද්දෙන් පස්සෙ චීන්නු ටික ආයෙ බරටම වැඩ...

    සිංගා වල සේවය කරන මැලේසියානුවන්ගෙ පවුල් ජීවත් වෙන්නෙ මැලේසියාවෙ...මෙහෙ ජීවන වියදම අඩු නිසා...ගොඩාක් අය සති අන්තයෙ ගෙදර එනවා. මෙහෙ චීන පන්සලකට ගිය වෙලාවෙ ඔය සත්ව රූප සියල්ලෙම ඡායාරූප මම ගත්තා...2016 කියන්නෙ වඳුරගෙ අවුරුද්ද....

    ReplyDelete
    Replies
    1. //2016 කියන්නෙ වඳුරගෙ අවුරුද්ද// ආ ඒ කියන්නේ ඔයාලාගේ අව්රුද්ද 2016??

      Delete
    2. අම්මෝ ඔය නාරන් කන්න එපා. කෙමිකල් ගහනවා හරියට. ගානට අවුරුදු කාලෙට ගෙඩි ගන්න. මෙහෙ සුබ පතන්න දෙන මැන්ඩරින් ගෙඩි දෙක කන්නෙත් නැහැලු. ඔය මැන්ඩරින් දෙන එක ගැන කියන්නේ මෙහෙම දෙකේ ගුණාකාර වලින් දෙන්න පුළුවන්. හැබැයි හතරක් දෙන්න බැහැ .චීන ක්‍රමේට හතර අසුබයි.
      ඊළඟ අවුරුද්ද වඳුරාගේ ද.

      Delete
  12. චීන අව්රුද්දට නෑගම් ගිහිල්ලා තාම හති අරින ගමන්...........

    ReplyDelete
    Replies
    1. මෙහෙත් අහල පහල ගෙවල් වලට මිනිස්සු පිරිලා හිටියා. රස රස කෑම සුවඳ දැනුන. කොහෙද ඉතින් අපේ වගේ පිඟන් එහාඑහා මෙහා යැවීල්ලක් නැහැනේ. මගේ යාළුවො නම් අන්නාසි ටාර්ට් දුන්න. පොඩි දෙන්නට ලකී මනි හම්බ වෙලත් තිබ්බ තායිවාන් යාළුවෙක්ගෙන්.

      Delete