Wednesday, 22 April 2015

සිනා කන්දෙන් වැටෙන මල්

සිනා කන්දේ අපට නොපෙනී
කුඩා උල්පත් මතු වෙනා
කන්ද පාමුල කඳුළු දොළ ළඟ
නැගී උල්පත් එක්වෙනා

කන්ද උඩ බක් මී ගහෙන් වට
මලක් සුළඟට ඇවිල්ලා
කඳුළු ඉවුරෙන් දොලේ පහලට
හිමින් ගහගෙන ගිහිල්ලා

ගසට සුළඟට වගක් වත් නැහැ
සිනා කන්දට පෙනුනෙ නෑ
දොලේ පාවී ගිලී මිය ගිය
මලේ කටහඬ ඇහුණෙ නෑ


කන්ද මුදුනේ ගහේ අතුවල
අලුත් මල් පිපෙනා පැයේ
පරණ මල් වල හැඩය දුටුවේ
බිඳුණු බුබුළකි ගං දියේ







වසන්තත් ඇවිත් ගියා නේ. මුකුත් ලියන්න බැරි වුනා. එහෙන් මෙහෙන් ලියවෙන කවි කෑලි ටික වත් අලවලා දාන්න ඕන කියල හිතුව විලේ පාළුවට.