Wednesday 28 November 2012

හැඳි මිටෙන් ගිලිහී...සිතේ සිතුවිලි මිහිරී...

 
 
 
ඉහටත් උඩින් වැඩ . සෝදන්න තියෙන රෙදි ගොඩ දිහා නොබලා ළමයි උදේ කාලා කෑම පිඟන් මේසේ උඩ. එව්වා පොඩ්ඩක් එහා මෙහා කලහම සාලෙ මේසෙ උඩ ලැප්ටොප් එක තියා ගන්න පොඩි ඉඩක් හදා ගන්න පුලුවනි.

එලියේ සිතල මිදුම. අහස තනිකර අලු පාටයි .

  ඊයෙ මෙට්‍රො සුපර්මාකට් ගියාම ජමනාරන් දැක්කා .ගෙදර ගෙනාවා. හරිම සුවඳයි.

මේ නාරන් දොඩම් කාලය. මෙට්‍රො කියන්නෙ මහා විශාල වෙලඳ සැලක්. මාසෙකට දවසක් පමණ යා යුතු තැනක්. කාලයයි සල්ලියි දෙකම වැය වෙන තැනක්. කෙලවරකින් පටන් අරන්  සේරම රාක්ක දිහා බල බල යන එකත් එක විදිහක විනෝදයක්.

ගොඩක් දේශිය ජනතාව මෙතනට එන්නේ තොග වශයෙන් බඩු ගන්න.

අපි යන්නේ අනෙක් කඩවල සොයාගන්න බැරි දේවල් විශේෂයෙන් පොලේ යාමට වඩා තරමක් පහසු නිසා. මිල ගණන් සඳහන් නිසා ගැටලුවකුත් නැහැ .

අනෙක් දේ තමයි ආනයනික රට සඳහන් වීම. චින ලොකු අය්යා ගෙ අනෙක් දේවල් ගැන අවුලක් නැහැ . ඒ වුනත් කෑම බීම ගැන විශ්වාසයක් තියන්න බැහැනේ.

මෙට්‍රෝ ගැනත් නම් සෑහෙන්න ලියන්න පුලුවන්. ඒ වුනත් ලියන්න කියල මගෙ අත කෙනිත්තුවෙ මෙට්‍රෝ නෙමේ.. ජම නාරන්. නාරන් කියන්න බින්දුව දාන්න ඔනෙ තමයි . බින්දුව සොයන්න කම්මලි නිසා හල් නයන්නෙ නාරන් කමක් නැහැනෙ.

මාරයාගෙ බ්ලොග් එකේ හැලප කඩේ චෝදනා කර තිබුණා අකුරු වැරදිම්  ගැන. මගෙ අතිනුත් සෑහෙන්න වෙන්වා .දැනගෙන කම්මැලිකමට, අමතක වීම වගේ කාරණා නිසා. අනික එච්චර සැලකිල්ලෙන් ලියන්න ගියහම මට එපා වෙනවා.



ඒ හින්දා මෙතන වෙන වැරදි නම් බරපතල එකක් ඇරෙන්න වැඩිය ගණන් ගන්න එපා.


ඉතින් ඔන්න ජමනාරන් ගෙනාවා. ඉස්සර කහවතු යද්දි රත්නපුරෙන් බස් එකට නගින වෙලෙන්දන්ව මතක් වුනා.

කෝ රත්නපුරෙ කට්ටිය අත උස්සන්න බලන්න. ඒ අය නම් දන්නවා. රටකජුයි , ජමනාරනුයි , ඉඟුරු දොසියි...
[රන්ගිගෙන් නම් මන් දැන් ගුටි කනවා.]

බස් එකම නාරන් සුවඳයි. අපිත් ඇහැලියගොඩින් නවත්තල මොනව හරි කාලා හිටියට මෙ වෙද්දි බඩගිනියි. ඊටත් වඩා පොඩි වුන් කොයි වෙලෙත් මොනවා හරි හපන්න ආසයිනෙ . අනික උදේ පාන්දර ගෙදරින් ඇවිත් තිබුණෙත් තේ විතරක් බිලා.

අද උදෙ හරිම සිතලයි ඇහැරවගන්න බැරිම තැන ඔය කතාව කියලා තමා දෙන්න ඇහැරෙව්වෙ.

[උදේට ඇහැරවිම ගැන වෙනම ලිපියක් ලියන්න ඕන. මාත් කතන්දර වගෙ කත්න්දර වලට ලෝබ වෙන්න ඕන .]
අපෙ දෙන්නා හරි ආසයි මගෙ අතීත කතා අහන්න. ඔන්න ඔය ගැන කියලා උදේට කන්නත් දුන්නා ජමනාරන්.

''ම්ම් එච්චර රස නැහැනෙ.''


ඔන්න ඔහොමයි මගෙ ආදරණිය ජමනාරන් වලට කෙල්ලන්  පිටුපෑවෙ.


ඒ වෙලේ මට දාර්ශනික සිතුවිල්ලක් පහල වුනා.මේක එච්චර අලුත් සොයා ගැනිමක් නොවේ. නමුත් මාත් එය පරික්ෂණ මගින්ම ඔප්පු කලා.

එනිසායි අපමණ යුතුකම් වගකිම් පසෙක ලා මෙතන ඉඳගෙන ලියන්නට ගත්තේ. එවන් කල්පනා හැඳිමිටෙන් ලිස්සා ගොස් හොද්දට වැටී හෝ රෙදි බේසමක සබන් පෙන අතර දියවි එසේත් නැතිනම් පිඟානක ඉතිරි වූ ඉඳුල් සමග කුණු බක්කියකට වැටී අපතේ යා යුතුද..? 

මගෙ වාසනාවට එහෙම වෙන්න ඕන නැහැ කියන මනුස්සයෙක් ජිවිතේ බෙදා ගන්න ලැබිල තියෙනවා.


''''''රසය කියන්නේ දිවට පමණක් දැනෙන දෙයක්ද.? බොහෝ මිහිරි රසයන් අතිත සුවඳවල්...අතීත මතක හා යා වී ඇති විටයි රසයක් වනුයේ .'''''

ජම්නාරන් මගේ දිවට මිහිරක් වන්නේ මේ ජමනාරන් බිකක් සපන විට දිව දිගේ ගොසින්  රත්නපුරයේ '' නාරන්,ජමනාරන්,, ඉඟුරු දෝසි ''වෙලෙන්ඳන්ගේ හඬත්...එවායේ සුවඳත්.. ආච්චිලාගෙ ගේ පිටුපස ගල් වැටිය උඩින් තිබු ජම නාරන් ගසත්, ආච්චිත් ඇතුලු ළමා මතකයන් සියල්ලත් අවුස්සන බැවින්මය.
වැඩිමනක් සිතද්දී දිවට පමනක් නොවේ නහයට , කනට , ඇසටද පොදු සත්යයකි.

ඇතැම් ගීත වලින් එහි ඇති අරුත් ..මිහිරි තාලයන්..අනගි කටහඬවල් යන සාධක සියල්ලට අමතරව එයිනුත් ඔබ්බට ගිය සන්වේදනයක් ඇති වන්නේ මෙම නිසාමයි.


අපේ ලමයින්ටද දිනෙක මෙවන් දේ සිතෙනු ඇත. ඔවුන්ටද ජමනාරන්ම මිහිරි වේ යයි අප සිතුවොත් වරදක්ය. ඔවුන් තම තමාගේ මතක ඔස්සේ ජිවිතයේ මිහිර විඳිමයි වඩා වැදගත්.


80 comments:

  1. ඕනෙම දෙයක් අතීත මතකත් එක්ක වෙනදටත් වඩා රසයි, විශේෂයෙන්ම දැන් ඒව හොයාගන්න නැතිනං තව රසයි...

    ReplyDelete
    Replies
    1. ඕකට සිංහලෙන් කියන්නෙ පෙරේතකම...
      :D

      Delete
    2. පෙරේතකමත් හොඳ වචනයක් නේද ..

      Delete
  2. නාරං මොනවද දොඩං එක්ක බැලුවම.. ;-)

    නාවල අන්නාසි කෝට්ටේ දොඩං යස රසය කෑමටා
    ගල්කිස්සේ සීනක්කු කොම්පඤ්ඤවීදියේ ඉදියප්පං බෝම යසා

    ReplyDelete
    Replies
    1. ආ මේ සින්දුත් එක්ක දොඩන් අය්යනේ ..

      සිනක්කු නම් කා නැත . සිබිල් වෙත්තසිංහගේ සින්නක්කු මාමා පොතෙන් තමා සින්නක්කු ගැන කියෙව්වේ

      Delete
  3. හැඳි මිටෙන් මෙච්චර ලස්සන සිතිවිලි එක්ක රසවත් පෝස්ට් ලියන්න පුලුවන් එකේ හැන්දෙ අනිත් පැත්තෙන් හදන හොදි ඕනෙම නෑ....
    (බනී සහ පිරිවර බඩගින්නෙ තැබීමට උනන්දු කලා නොවේ)

    ReplyDelete
    Replies
    1. මගේ ගෘහ පාලනය ඉතින් අන්තිමයි . මක් කරන්නද . ලියන කියන වැඩ නිසා බැඳී සිත නේන්නම් මෙපමණ දුර ගියේ . මනා ගෘහ පාලනය දත් සුවිනිත ලලනාවන් අනන්ත මංගල යෝජනා වල සිටිද්දී ඒ දෙස වත් නොබලා මන් වගේ එකියක් ගෙන එම ගැන පසු තැවෙන බවක් නම් පෙනෙන්නට නැත .

      Delete
  4. පුංචි කාලේ ගමේ ගිය මතක මට නම් කොච්චර මිහිරි උනත් , බස් ගමන් මතක නම් අමිහිරියි. මොකද මට පොඩි කාලේ බස් වල යද්දී වමනේ යනවා (කුලියාපිටියට කෝච්චියෙන් යන්නයැ ) ආපහු ගෙදර එනකොට අරන් එන පුච්චපු කජු වලට කට්ටිය මගදීම වග කියනවා. මම නම් නෙමෙයි පැත්ත වත් බලන්නේ,හපොයි... වමනේ යයි කියලා. අදටත් මම කජු පුච්චලා කන්න ඒ හැටි කැමැත්තක් නැත්තේ ඒ අමිහිරි මතකය හංදා කියා හිතෙනවා. එත් කජු පුහුලන් , කජු මාළු ඒවා නම් මිහිරි මතක එක්කම අදටත් රස විදිනවා.
    ඇත්ත ... අපේ කෑම බීම, සුවද , ගීත මේ බොහෝ දේ සබැදි මතකයන් එක්ක හිත් තුල මිහිරි හෝ අමිහිරි වෙනවා.

    ReplyDelete
    Replies
    1. ස්තුතියි සුබා ...මොකක්දෝ හේතුවකට අදටත් මට බස් ගමන් යන්න කිසිම අමාරුවක් නැහැ ,. බස් මතක අමිහිරි වුවත් ඔබට වෙන මිහිරි මතක රැසක් ඇති බව සිතනවා .

      Delete
  5. දැන් කහවතු රත්නපුර ප්‍රසිද්ද වෙන වෙන දේවලටයි..

    ReplyDelete
    Replies
    1. මට ඒ ගැන නම් දුකයි ඉතින්

      Delete
  6. හරි අපූරු සොයා ගැනීමක්.. ඇත්තටම සමහර ගීත, සුවදවල්, රසයන්, පංචඉන්ද්රිරයන්ගෙන්ම අපි විඳින දේවල් වඩාත් සංවේදී වෙන්නෙ, සුන්දර වෙන්නෙ, ඒ වගේම දුක්බර වෙන්නෙත් අතීත මතකයන් එක්ක යා වෙලා ති‍යෙන නිසා තමයි.... ඔයා හිතුව දේ හරි. අපි විදින දේවල්ම දරුවො විදින්න ඕන නැහැ. ඒ අය එයාලගෙ ක්ර‍මයට ජීවිතය විඳියි.

    හිතට අදහසක් ආවම ලියල දාන්න ඕන බින්දි. වැඩ වැඩිකමත් එක්ක අතපහු වෙලා කොයි තරම් ලස්සන අදහස් අමතක වෙලා කාලයේ වැල්ලෙන් වැහිල යනවද?

    ReplyDelete
    Replies
    1. ස්තුතියි තරු රසී ලස්සන අදහස් වලට

      Delete
  7. එවන් කල්පනා හැඳිමිටෙන් ලිස්සා ගොස් හොද්දට වැටී හෝ රෙදි බේසමක සබන් පෙන අතර දියවි එසේත් නැතිනම් පිඟානක ඉතිරි වූ ඉඳුල් සමග කුණු බක්කියකට වැටී අපතේ යා යුතුද..?

    කොහෙත්ම නෑ. ඔයාගේ ලියමන් අස්සේ අපිට අපේ අතීත මතක එක්ක කිලෝ මීටර් ගණන් රවුම් ගහන්නත් ඉඩ තියෙන්න ඕනේ. එතකොට අපි වගේ පොඩි ළමයි අවදි වෙලා (ආචිචිලා සීයලා වෙන වයසේ හිටියත්) ඒ මතක අස්සේ රවුම් ගහලා හූල්ලල හිනා වෙලා අඬල දොඩලා කඳුළු හලලා හැඟීම්බර උනේ නැත්නම් මේ කල්පනා වල කිසි රසයක් තියෙන එකක් නෑ....

    අපේ ලමයින්ටද දිනෙක මෙවන් දේ සිතෙනු ඇත. ඔවුන්ටද ජමනාරන්ම මිහිරි වේ යයි අප සිතුවොත් වරදක්ය. ඔවුන් තම තමාගේ මතක ඔස්සේ ජිවිතයේ මිහිර විඳිමයි වඩා වැදගත්.

    කතා ගොඩායි අප්පා.....

    පොඩි කාලේ මුලින්ම කරපු රබර්ම වැඩේ මේ ජමනාරන් හින්දා වෙන්න ඕනේ මාත්. ඒත් එදා හොඳ පාඩමකුත් ඉගෙන ගත්තා. ඒක නිකම් තමන්ගේ ගෙදර ඉඳන් තමන්ගේම බඩු හොරකම් කලා වගේ ලොකු පාඩුවක් වෙච්ච හින්දා කවමදාවත් අමතක වෙන එකකුත් නෑ.
    පොඩි කාලේ නම් අපිට ජමනාරන් සල්ලි වලට ගන්න උවමනා වුනේ නෑ. ඒත් දැන් නම් රත්නපුරෙන් එහාට යනවා නම් පොලක් දැක්ක ගමන් නතර කරලා අනිවාර්යෙන් හොයන පළතුරක් තමයි මේ. ඒ ආසාවට ගන්න මිසක් කන්නවත් නෙමෙයි.

    ReplyDelete
    Replies
    1. මට ඔයාව මතක් වුනා රන්ගි ...ස්තුතියි දිග කමෙන්ට් එකට .

      Delete
  8. ජමනාරන් දෙනවා කිවම නරක් වෙලා තියෙයි...

    නිරෝගී වේවා෴දීර්ඝායු වේවා෴ සැප වේවා෴චිරං ජයතු!!!

    ReplyDelete
    Replies
    1. ස්තුතියි රති ..මට ඔබේ නම මතකයක් තිබුනා . බ්ලොග් එකට ගිහින් බැලුවාම සෑහෙන පරණ බ්ලොග් එකක්නේ .

      Delete
  9. දාර්ශනික බින්දිගෙන් ජමනාරං සුවඳ ගැන දාර්ශනික විග්‍රහයක්.. අනිවා ඇත්තය, මෙවන් වටිනා දාර්ශනික අදහස් හැඳි මිට දිගේ බත් මුට්ටියට හෝ සබන් පෙන සමගින් කුණු වතුර වලකට හෝ යාම නුසුදුසුය.. බනියලෑ තාත්තාට ජයවේවා.!! (හුටා, දැන් බනියා කියන්ට තහනම් නේද?)

    ............................................

    ඔය අකුරු වැරැදීම්, වියරණ වැරැදීම් ගැන නම් මට ඇත්තේ හැලප කඩේ හා සමාන මතයකි.. ඒත් ඒ ගැන මම සාමාන්‍යයෙන් බ්ලොග්වල කියන්නට යන්නේ නැත්තේ එකක් එහෙම කිවුවා කියා අපේ අය හැදෙන්නේ නැති නිසාය, අනෙක බලන බලන බ්ලොග් එකේ මේ දේවල් සිදුවන නිසා කියා ඉවරයක් කරන්නට බැරි වීමය.. ඒත් මෙතනදී ඒ කතාව ඇදුනු නිසා යමක් කියමි..

    ඉංග්‍රීසියෙන් යමක් ලියද්දී අකුරු හා වියරණ ගැන සැලකිලිමත් වන අ‍පේ උදවිය සිංහලෙන් ලියද්දී කම්මැලිකම, අමතක වීම ආදී කරුනු ඉදිරියට දමා ඒ ගැන නොසැලකිල්ලක් දක්වන්නේ ඇයිද යන්න මට නම් පුදුමයකි.. සමහරවිට ඒ උදවියට අපේ භාෂාව ඉංගිරිසිය තරම් නොවටිනා නිසා විය හැක.. මම නම් හැමදාමත් උත්සාහ දරන්නේ නිසි අයුරින් ලිවීමටය.. ඇත්ත මගේ අතිනුත් අනන්ත වැරැදීම් සිදු වේ, එහෙත් හැකි සෑම විටම ඒවා නිවැරැදි කරගැනීමට උත්සාහයක් දරමි..

    වෙනදා එවන් වැරැදි දැක දැකත් අහක බලාගෙන යන මම අද මේ ගැන කතා කරන්නට හිතුවේ ඒ ගැන පුංචි කතාබහක් ඇදුනු නිසාත්, ඒ ගැන කතා කලාට බින්දියා තරහ නොවන බව දන්නා නිසාත් ය.. කාලෙකින් අපි හොඳ වාද-විවාදයක් ඇද ගත්තේ නැති නිසා සමහරවිට අපට බින්දිගේ දාර්ශනික ජමනාරං සුවඳ අස්සේ "වියරණ, අක්ෂර වින්‍යාසය හා බ්ලොග් ලිවී‍මේ කලාව" ගැන දාර්ශනික විවාදයක් කල හැකි වේ යැයි සිතමි.. :)

    ReplyDelete
    Replies
    1. මමත් මේ ගැන කතා කරන්න කැමතියි.. ලැප් එක පාවිච්චි කරන ( හුටා ලැප් එක කියන එකත් වැරදියිනෙ) හැම විටදිම මම අක්ෂර වින්යාසය. ( හුටා... මේකෙ යන්සෙ නෑ..) ......

      බෑ... බෑ... මම මොබයිල් එකෙන් කොමෙන්ට් දාන එක අතාරිනවා.. යන්සෙ නැතිව මොන අක්ෂර වින්යාසද් :(

      Delete
    2. නැහැ නැහැ මන් තරහක් නැහැ බුරා ..මා වැරදි බවත් දන්නවා. නමුත් පෝස්ට් එකක් කොටන්න තියෙන අමාරුව බුරා දන්නෙ නැහැනෙ. එක වචනෙකට අකුරු කියක් කොටන්න ඕනද. කලින් පාවිච්චි කල ගුගල් ට්‍රන්ස්ලිටරෙශන් අත ඇරියෙත් බොහොම වචන මට ඕන විදිහට නැති නිසා. නමුත් මේ පාවිච්චි කරන යුනිකොඩ් රියල් ටයිම් කන්වර්ටරය නිවරදියි. නමුත් හරිම වෙලා යනවා.
      හොද්ද ලිපේ තියලා බ්ලොග් ලියන අපට වේගයෙන් ලිවිමයි ඕන.

      අපේ දු මන් ටයිප් කරනවා දැකල එයාට මන් ගැන දුකයි කිව්වා දවසක්.

      කලකදි හරි යවි යයි සිතනවා . මෙ සමග කොපමණ ඉන්ග්‍රිසි අකුරු ගොඩක් ටයිප් කරන්න වුනාදැයි බලන්න.

      ඉන්ග්‍රිසියෙන් ලිවිමෙදි ඕනම තැනක එසැනින් නිවැරදි විමක් කෙරෙනවා. සින්හලට එහෙම නැහැනෙ.



      nAhA nAhA man tharahak nAhA buraa ..maa wAradhi bawath dhannawaa. namuth poest ekak kotanna thiyena amaaruwa buraa dhanne nAhAne. eka wachanekata akuru kiyak kotanna oenadha. kalin paawichchi kala gugal translitareshan atha Ariyeth bohoma wachana mata oena widhihata nAthi nisaa. namuth mei paawichchi karana yunikod riyal tayim kanwartaraya niwaradhiyi. namuth harima welaa yanawaa.
      hodhdha lipei thiyalaa blog liyana apata weigayen liwimayi oena.

      apei dhu man tayip karanawaa dhAkala eyaata man gAna dhukayi kiwwaa dhawasak.

      kalakadhi hari yawi yayi sithanawaa . me samaga kopamaNa ingrisi akuru godak tayip karanna wunaadhAyi balanna.

      ingrisiyen liwimedhi oenama thAnaka esAnin niwAradhi wimak kerenawaa. sinhalata ehema nAhAne

      Delete
    3. කාට හරි කියන්න හැකිද වේගවත් සහ පහසු ක්‍රමයක්.

      Delete
    4. මව් බස වටිනා නිසානෙ මව් බසින් ලියන්නේ. අපි හොඳ සිංහල හරිය...D

      Delete
    5. ඔය සිංහල මෙහෙම ලියුවනම් තමා හරි. "si\nhalata"

      අපට ඉංග්‍රීසි යතුරු පුවරුව වගේම සිංහලත් හුරුනම් ඔය තරම් අපහසු නැහැ. වැරැද්ද බසෙහි නෙමෙයි අපෙයි. කම්මැලිකම තියෙනව කියල උඩම ලියල තියෙද්දි ආයි මොකට කියනවද කම්මැලි කම අතෑරල හරියට අකුරු ලියන්නෙයි කියල.

      Delete
    6. හුරු නැති කම තමා . තව අවුරුදු දහයකින් විතර හරි යයි මන් හිතේ..ඒ වුණාට මෙහෙම කතාකරන එක හොඳයි. එතකොට ඇදේටම යන එක පොඩ්ඩක් හරි හරි යනවා.

      අදට වඩා හෙට හොඳ වෙයි .

      Delete
    7. මටත් සිංහල භාෂාවේ මම කරණ වැරදි හදා ගන්න ලොකු උවමනාවක් තියෙන්නෙ. මව් බස හරියට බෑ කියන්නෙ ලජ්ජා වෙන්න ඕනා කරණයක්. ඒත් මේ බ්ලොග් අවකාශේ එහෙම වැරදි පෙන්වනවා හරිම අඩුයි. මම හිතන්නෙ ඒ සමහර ඈයො වැරැද්දක් පෙන්නුවම රෙද්ද උස්සන් එන හින්දා වෙන්න ඕනා.

      මගේ වැරැද්දක් දැක්කොත් ඕනෑම තැනකදි ඒක පෙන්නලා දෙන්න කියලා සිංහල භාෂාව ගැන හොඳ දැනුමක් තියන බුරතිනෝ මහතා ඇතුලු අයගෙන් ඉතා කරුණාවෙන් ඉල්ලා සිටිනවා.

      Delete
    8. මම මෙච්චර කල් හිතාගෙන හිටියෙ බින්දි type කරන්නෙ යුනිකෝඩ් වලන් කියලා.(ඩිරෙක්ට් යුනිකෝඩ් ටයිපින් තමයි ලේසිම)

      බිංදුව=x,(අඃ)=X,ඤ=[,ඥ={,ක්‍ර=l+`,රේඵය=~,ව=j,ළු=J සහ <+q,ළූ=<+Q

      රැ,රූ ත් හුඟ දෙනෙක් වරද්ද ගන්නවා. රැ=r+e,රෑ=r+E,රු=r+q, රූ=r+Q ඍ=R



      Delete
    9. @ බින්දි,

      මට හිතාගන්න බෑ ඇයි ඔයාලා එක එක transliteration software පස්සෙ දුවන්නෙ කියලා.. ඒ වෙනුවට විජේසේකර key board එකට හුරුවෙන්න බලන්න.. ඇත්ත, මුලදී ටිකක් අමාරුයි අකුරු තියෙන තැන් මතක නැති නිසා.. ඒත් පුරුදු වුනාට පස්සෙ ඒක තමා ලේසිම හා වේගවත්ම..

      සිංහයා කියනවා වගේ වැරැද්ද බසෙහි ‍නෙවෙයි‍, අපෙයි.. කම්මැලි නොවී ටිකක් උත්සාහ කරලා බලන්න.. අදට වඩා හෙට හොඳ වෙයි තමා, හැබැයි ඒක නිකංම වෙන්නෙ නම් නෑ, අපි හැමෝම පුංචි හරි උත්සාහයක් දරන්න ඕන..

      @ සෙන්නා,

      ඕ යේෂ්! ඒක තමා හේතුව.. ඉතිං කට වහගෙන ඉන්න එක ඇඟට ගුණයි.. :D

      මෙන්න ඔබතුමා කර ඇති වැරැදි කීපයක්..
      1. වැරදි -> වැරැදි (ඒකවචනය වැරැද්ද නම් බහුවචනය වැරැදි විය යුතුයි)
      2. කරණ -> කරන (මේක ක්‍රියාපදයක් නිසා 'ර'ට පසුව එන්නේ දන්තජ 'න' විය යුතුයි)
      3. ඇතුලු -> ඇතුළු (මේ වචනය එන්නේ ඇතුළත කියන වචනයෙන්)

      Delete
    10. ඔබ කියන දේ හරියටම මට තේරෙනවා. විජේසේකරෙන් ටයිප් කරන්න ඉගෙන ගන්න ඕන. අපේ වියරණ වරදක් දුටොත් නිවරැදි කරන ලෙසත් ඉල්ලා සිටිනවා.

      පොඩි කුමාරිව හෙම දැක්කද බුරා. කලකින් දුටුවේ නැහැ.

      Delete
    11. ඒවගේම බුරාට අපි ස්තුති කරන්න ඕන . බය නැතුව කතා කරන්න දැනුමක් ඇති එකට .

      සුමිත් ..

      ඩිරෙක්ට් යුනිකෝඩ් කියන්නෙත් විජේසේකරටමද

      Delete
    12. බුරා ..ඊ පතක් එවන්නට හැකි ලිපිනයක් ඇතිද

      Delete
    13. අන්න හරි බින්දි, බය නැතුව පටන් ගන්න.. මුලදි ටිකක් අමාරුයි, ඒත් ටිකක් කල් යනකොට අත හුරුවෙනවා.. මොනවා හරි උදවුවක් ඕන නම් කියන්න..

      සුමිත් ඩිරෙක්ට් යුනි‍කෝඩ් කියලා කියන්නෙත් විජේසේකරටම තමා..

      ‍පොකු මේ දවස්වල රාජකාරි වැඩ නිසා රටින් පිට ගිහින් ඉන්නෙ බින්දි‍යො, නෙට් එක පැත්තෙ එවෙන්නෙම නැති තරම්.. තව ටික දවසක් යාවි ආයෙමත් එන්න..

      Delete
    14. බූරා, උඹට ගොඩක් පින්..... බලපන් මහ ලොකුවට බ්ලොග් ලිව්වට ඔය එකක්වත් මම දැනගෙන හිටිය ඒවා නෙමේ..

      හැම වෙලේම මගෙ වැරැදි දුටු තැන පෙන්නහන් හොඳේ...

      ඔය නණ ලළ බේදේ තියන රීති ගැන මට කොහෙත්ම දැනුමක් නෑ බන්... එහෙම ඒ ගැන ලියවෙච්ච මොකක් හරි තියේනම් තරහා නැතුව මේකට විදහන්...

      ssdsenna@gmail.com

      Delete
    15. බුරා.. බින්දි... මම කරපු විහිලුව සීරියස් ගන්න එහෙම එපා.. අවංකවම කිව්වොත් මමත් උපරිමයෙන් නිවැරදිව වචන ලියන්න උත්සාහ කරන කෙනෙක්. විශේෂයෙන්ම වියරණ රීති නිවැරදිව පිළිපදින අපේ ප්‍රසිද්ධ බ්ලොග් ලියන්නියක්ගෙන් වියරණ වැරැද්දුවාම ප්‍රහාර එල්ල වෙන්න ගත්තම ඒ ගැන හිතන්න නිතැතින්ම පෙළඹුනා... සිංහලෙන් ලියන අපි හැම විටම බස නොමරා බස හැසිරවිය යුතුය කියන මතයට මම එක හෙළාම එකඟයි. ( ඒ වුනාට සංහිඳ මෘදුකාංගයේ යන්සය ලියන හැටි මම තවම හොයනව :) )

      Delete
    16. බූරා අයිය සහ සුමිත් කියූ දේ අනුමත කරමි.. මට වුණත් විජේසේකර තමයි වේගයෙන් ලියන්ඩ පහසුම... ඔයාට බොහොම ටික දවසක් අමාරු වෙයි... කොලේක මුද්‍රිත යතුරු පුවරුව බලන් යතුරු හොය හොය ලියන එක...
      හැබැයි පුරුදු වුණාම ඉංග්‍රීසි වත් බෑ එච්චර ඉක්මණට ලියාගෙන යන්ඩ...මම හොඳ ඔත්තුවක් දෙන්නං... සිංහල දන්න කෙනෙක් එක්ක පරිගණකය හරහා සංවාදයක යෙදෙනෙව නං (අනේ බූරයියෙ චැට් කියන එකට සිංහල වචනයක් කියන්ඩකො??) ... මං කියන්නෙ මුහුණු පොතේ හරි විද්‍යුත් ලිපිණය හරහා හරි පුලුවන් තරං සිංහලෙන් ලියන්ඩ... මං වේගෙන් ලියන්ඩ පුරුදු වුණේ එහෙමයි...මමත් පුලුවන් තරම් උත්සාහ කරනව අක්ෂර වින්‍යාසය සහ ව්‍යාකරණ නිවැරදිව පාවිච්චි කරන්න...ඉංග්‍රීසි වචන වෙනුවට පුලුවන් හැම වෙලාවකම සිංහල වචනය යොදන්ඩ.... හැබැයි මං ලියද්දි ප්‍රාදේශීය වහර මිශ්‍ර වෙන නිසා කියන්න වෙනුවට කියන්ඩ වගේ වචන ලියවෙනව...
      මගෙන් උදව්වක් ඕනෙ නං කියන්ඩ මං ඕනෙ වෙලාවක ලෑස්තියි බින්දි අක්කෙ.... තාක්ෂණික පැත්ත ගැන මහ ලොකුවට දන්නෙ නෑ... ඒත් සෘජු යුනිකේත භාවිත කරන්ඩ අවශ්‍ය මූලික කටයුතු සම්පාදනය කරගන්ඩ උදව් ඕනෙ නං කියන්ඩකො...

      @බූරයියා:
      බූරයියෙ... මට ඔයා ගැන හරිම ආඩම්බරයි.. සිංහල විෂයයක් විදියට විශ්වවිද්‍යාලෙදි හදාරපු අපිට වඩා ඔයා ඉන්නෙ ගවු ගාණක් ඉස්සරහින්!!
      ඔයාගෙ අරුම පුදුම මතකය ගැන විතරක් නෙවෙයි මේ කියන්නෙ..
      ඔයා මේ දේවල් අපිට කියල දෙන්නෙ අවුරුදු ගාණක් වෙන රටක ඉඳල, ඒ රටේ මිනිස්සුත් එක්ක උදේ දිවා රැයේ ඉංග්‍රීසිය වහරන ගමන්!!!
      සමහරුන්ට ඕක ඇති මවුබස අමතක කරලම දාන්ඩ...

      Delete
    17. චික් විතරක්.. මගෙ අතින් ලිපිණය කියල ලියවිලා...බින්දි තරහ වෙන එකක් නෑ නේද මං බූරයියට ඇවිල්ල මේ ලියපු යාංහෑල්ලෙ ඉතුරු වැරදි ටික පෙන්නන්ඩ කියල කිව්වොත්...??

      Delete
    18. භොහොම වැදගත් අධහස් ටික

      ඹ්ලොග්ස් ඛියන්ණෙ තවත් ඝොසිප් සයිට්ස් වෙන එක වලක්වගන්න උධව් වෙන්ණේ මේ වගේ කතා

      ඇත්තටම ඔය භුරාතීණෝ කියන්නේ කව්ද?

      එයා ඔච්ඡර සින්හල ධන්නේ කොහොමද?

      Delete
    19. ජනු ...කියන්න බැරි තරම් ස්තුතියි . ඇත්ත මට උදව් අවශ්‍යයි . සමහර විට තව ලිපි එකක් දෙකක් ලියන්න පුළුවන් වෙයි නිවාඩුවට කලින් . ඒවායේදී බැරි වුනොත් අලුත් අවුරුද්දේ අලුතින්ම වැඩේ පටන් ගන්නම්කො . බුරා ගැන කි දේවල් සහතික ඇත්ත .

      බුරා ...බ්ලොග් නොලිවට මේ කරන උදව් වල වටිනාකම අනන්තයි . ඇත්තටම මටත් සමහර වචන ලියන විදිහ සැකයි . දුටු තැනක හැකි නම් අපව නිවැරදි කරන්න .

      ලකී ...හරි හරි කවුද ඉතින් සීරියස් ගත්තේ .

      සෙන්නා ...කීපදෙනෙක් හරි නිවැරදි වුනොත් අපට මේ ගැන කතා කළහැකි නේද .


      තිස්ස අය්යා ...මක්කයි මේ . අපොයි යසට උන්නා නේද පහුගිය ටිකේ . ඔන්න ආයේ මට අර සිබිල් ගේ කතන්දර මතක් වෙනවා .

      Delete
    20. @ ජනූ,

      චැට් කියන එකට සිංහල වචනයක් නේද.? සල්ලාපය, සාමීචිය, පිළිසඳර ඔය කොයිකත් හරි යනවා.. ඒ මොකුත් ඕනැන්නෙ නෑ බොලං, 'චැට් එක' කියලා හිංගලෙන්ම දාන්ට.. :)

      මම කියන්නෙ නෑ අපි ලියද්දි ලියන භාෂාවෙන්ම ලියන්ට ඕනෑය කියලා.. එහෙම ගියොත් මාරයා කිවුවා වගේ මේ සිංහල බ්ලොග් අවකාශයත් 'සිළුමිණ ශාස්ත්‍රීය සංග්‍රහය' වගේ වෙලා මිනිස්සුන්ට එපා වෙයි.. කටවහරින් ලිවුවාට කමක් නැත, ඒ අතරට ඉංග්‍රීසි වචන එබුවාටත් කමක් නැත.. ඒත් ලියන සිංහල වචන ටික හරි විදියට ලියනවානං ඒ ඉහටත් උඩින්ය..

      ................

      @ සෙන්නා,

      අපට 11 වසරේ සිංහල උගන්නපු නිලවීර මැඩම්ට පින් සිද්ධවෙන්න තාමත් මගේ සිංහල හොඳ මට්ටමක තියෙනවා.. ඒත් අවාසනාවට වගේ ණ,න,ළ,ල ගැන කියාදුන්නු ගොඩක් දේ අද වෙනකොට අමතක වෙලා ගිහිල්ලා.. මෙන්න මතක කිහිපයක්..

      1. නාමපදයක 'ර'ට පසුව එන්නේ 'ණ' විය යුතුයි. උදා: මරණය, කරණවෑමියා. මේක ක්‍රියාපදයක දී 'න' වේ. උදා: සරන, කරන
      2. 'ශ' ට පසුව එන්නේ 'න' විය යුතුයි. උදා: දර්ශන, විදර්ශනා
      3. 'ෂ' ට පසුව එන්නේ 'ණ' විය යුතුයි. උදා: විශේෂණ, අවශෝෂණය
      4. පාළියෙන් හෝ සංස්කෘතයෙන් හෝ බිඳී ආ වචනයක් නම් ඒ භාෂාවේ තිබුනු මහප්‍රාණ එලෙසින්ම රැකිය යුතුයි. උදා: පාළි - පඨමා, සිංහල - පළමු, ප්‍රථම

      තව මතක් වෙන ඒවා, හොයා ගන්නට හැකි ඒවා පස්සෙ කියා දෙන්නම්..

      ................

      @ තිෂ්ෂ භයියා හා බින්දි,

      අපේ තිෂ්ෂ භයියාට මේ දවස්වල ටිකක් විතර සනීප මදි නොවැ.. ගෙදර යන සිහියෙන් ලු නෙවැ ඉන්නවා කියන්නේ.. :P

      Delete
    21. මේකට මගේ ශත පහත් දෙන්න පුළුවන්ද?

      මම සිංහල ව්‍යාකරණ ගැන දන්න කෙනෙක් නෙමෙයි.
      කොටින්ම මා සිංහල ලියන්නේ අනුන් ලියන ඒවා බලා ඉඳලා.

      මම දන්නවා මගේ අතින් ලියවෙන සිංහල නිවැරදි නෑ කියලා.

      ඒත් බුරා මතුකරපු කාරණේ හරිම වටිනවා. හෙට දවස වෙනකොට අන්තිමට මේ යන විදිහට ගියොත් සිංහල කියලා යමක් ඉතිරි වෙන එකක්ම නෑ. බ්ලොග් පටන් ගන්න කාලේ වගේ නෙමෙයි දැන් දැන් අන්තරජාලයේ ඕනේ තරම් සිංහල ලිපි තියෙනව. ඒත් ඒවා තව දුරටත් සිංහලමද කියලා ප්‍රශ්නයක් මටත් තියෙනවා.

      ඉතින් මේ බුරාලා වගේ උත්තමයෝ ( එහෙම කියලාවත් බලමු) කට පියන් ඉන්න වෙලේ නරකද අනිත් අයටත් පේන්න එක්ක සිංහල ටිකක් ලියන්න පටන් ගත්තොත්. ඔය පිරිලා ඉතිරිලා යන දැනුම අහක දාන්නේ මොන එහෙකටද?
      අනිත් අය කෙසේ වෙතත් මා නම් මා නොදන්නකමට වැරදියට ලියවෙන සිංහල වලට සමාව ඉල්ලමින් අනිත් අය නිවැරදි කරන එකට බොහොම කැමතියි.
      බුරෝ ලියපිය බ්ලොග් එකක්......!

      Delete
    22. අපි පටන් ගමුද බ්ලොග් එකක් '' බස නොමරමු '' කියල . අපට එන ගැටළු එයට ඉදිරිපත් කරන්න . බුරා වගේ උදවිය උදව් කරාවි .

      Delete
    23. ස්තූතියි බූරා.. බලපන් ඔය එකක්වත් මම දැනගෙන හිටියෙ නෑ..

      මට තව පුරස්නයක් තියනවා බන්.. මේ "නම්" කියන එක වෙනමද දාන්ඩ ඕනා, වචනෙත් එක්කද

      උදා : යන්නේනම්, කියන්නම්, නැත්නම්

      උඹ බ්ලොග් එකක් ලියන එකෙන් අපිට ලැබෙන ලොකුම වාසියක් තමා මේක.. ඒක හින්දා දැන්වත් ඒ ගැන හිතලා බලහන්.

      Delete
    24. @ සෙන්නා මහතා,

      ඔය සම්බන්ධයෙන් නම් මටත් ගැටළු තියෙනවා, යමක් හොයාගන්න ලැබුනු විටෙක දන්වන්නම්.. හැබැයි දෙයක් කියන්ට තියෙනවා, ඔය මම කියපුවා දේව භාෂිතය වගේ ගන්ට එපා, තවත් දැනුමැත්තන් විමසන්න.. මොකද මම අමතකවීමකින් හෝ වැරැදි දෙයක් කිවුවොත් උඹත් ඒ වැරැද්ද එහෙමම කරාවි.. උඹ තව කාගෙන් හරි විමසුවොත් උඹත් ඒ වැරැද්ද හදාගනීවි, මාත් ඒ වැරැද්ද හදාගනීවි..

      @ බින්දි,

      අලුත් බ්ලොග් එකක් කෙ‍සේ වෙතත් සිංහල බ්ලොග් අවකාශය තුළ මේ ගැන සංගායනාවක් කෙරෙන්නට කාලය හරියි කියලයි මට හිතෙන්නෙ.. මොකද භාෂාව ගැන දැනුමැත්තන් (මා දන්නා අංශු මාත්‍රයට වඩා බොහෝ දේ දන්නා උදවිය) බො‍හොමයක් මේ අවකාශයේ අපට නොපෙනී නොදැනී ඉන්නවා ඇති.. ඔවුන්ගේ දැනුම හා අදහසුත් අරගෙන අපේ වැරැදි අප විසින්ම හදා නොගත්තොත් රංගි කිවුවා වගේ හෙට දවස වෙනකොට සිංහල කියලා යමක් ඉතිරිවෙන එකක් නෑ මේ යන විදියට..

      මම බ්ලොග් එකක් නොලිවුවත් හැකි හැම ආකාරයකින්ම ඒකට මගේ සහයෝගය දෙනවා, ඕ යේස්!!

      Delete
    25. @ සෙන්නා,

      මෙන්න ‍මේ ගැන ලියැවුනු ලිපියක්..

      sanhindha.blogspot.com

      Delete
    26. මොකටදෑ ඔච්චර අමාරුවෙන් ණ, න, ල, ළ රකින්නේ?

      කතා කරන කොට කාටවත් ඔව්ව තේරෙනවද?

      නිකං කාලය කාදෑමීමක් විතරයි ඔව්ව ගැන මහන්සි වෙන එක නැද්ද හොඳයි?

      බලන්න නූතන විශ්වීය දැනුම ලියවිච්ච ඉංග්‍රීසියෙ ඔය මොකුත් නෑ නේ?
      කියන විදිහට ලිව්වා, ලියන විදිහට කිව්වා, නෙමෙයිද හා?

      ඔය යල්පැනගිය දේවල් හොයනවට වඩා "මම න, ණ, ල, ළ බේදය නොරකිමි!" කියල පැත්තකින් විජට්ටුවකින්වත් සිංහ නාද කරල බ්ලොග් එකක් ලිව්වනම් නූතනත්වය රටටම සලරව බෙදන්න තිබ්බේ නැද්ද ඈ ඇත්තට?

      තමන්ට බාසා දැනුම නෑ කියල කෙනෙක් කීවොත් ඒ දොසෙන් මගහරින්න වෙනත් නමකින් සාරගර්බ බ්ලොගකුත් ලියන්න වෙනව හැබැයි අර මතු ආරක්සාවට පැමිණිල්ලක් දානව වාගේ

      අර අජිත් තිලකසේන මහත්තය ලියනව වගේ මේ ඉස්පිලි පාපිලි එහෙම එකම විදිහට - නු යන්න වාගේ කු යන්න ලියන්න - තිබ්බනම් තවත් පහසු නැද්ද ඕං?

      Delete
    27. @ නිවැරදි සිංහල භාවිතය ගැන උනන්දු වෙන හැමෝටම: බූරා අයිය ඔය උඩින් දාපු සංහිඳ බ්ලොග් අඩවිය ලියන නාමල්ම ලියනව සුබස් ආර කියල තව බ්ලොග් එකක්!!
      බූරයිය දීල තියෙන සබැඳියෙන්ම ඒකට පිවිසෙන මාර්ගය හොයාගන්ඩ පුලුවන්....
      වැරදි විදියට සිංහලය භාවිත වෙලා තියෙන තැන් ගැන සහ ඒවා නිවැරදි විය යුතු ආකාරය ගැන ප්‍රායෝගිකව උදාහරණ ඇතිව දක්වල ලියල තියෙන සුබස් ආර මං බොහෝ වෙලාවට මට උපකාරයක් වෙලා තියෙනව
      නාමල් මගේ කැම්පස් යාලුවෙක් කියලත් කියන්නෙ හරිම ආඩම්බරෙන්!!

      Delete
    28. තිස්ස ..
      අවන්කවම මන් කැමතියි බසෙහි නව පර්යේෂණ වෙන එකට . නමුත් ඔරිජිනල් එක දැනගෙන අලුත් දේ කිරීම වඩා හොඳයි .

      අපි ඉගෙන ගත්ත ඉංගිරිස් නෙවෙයිනේ අපේ කෙල්ලෝ පාවිච්චි කරන්නේ . උන් බ්‍රිටිෂ් ඉස්කෝලේ ඉන්නකොට කතා කල එව්වයි ලියපු එව්වයි ඔන්න දැන් ඇමරිකන් වෙලා .

      දැන් නම් හොඳටම ගෙදර යන මුඩ් නේ .

      Delete
    29. ජනු එහම එකක් තියෙනව කියල ආරංචි වුන එක හොඳයි .

      Delete
    30. දැති කැඩෙන හන්දා මෝලට දාන්න බෑ කීව නෙව සියඹලා අරටුව. ආච්චි මක්කද කලේ තට්ටබාස් ලව්වා දෑත් කියතකින් පලු කරාල අල්මාරි පෙට්ටගං ඇඳවල් හැදෙව්ව. තාත්ත දරු මල්ලො ලොකු වෙනකොට මේ බරතං එව්ව එහා මෙහා කොරන්න බැරිය කියල අහක්වෙල එව්ව මුල්ලකට තල්ලු කොල්ල දම්රෝ පන්නේ ඇම් ඩී ඇප් වලින් හදාපු බඩු ගෙන්න ගත්ත. පෙනුම පංකාදුයි එව්වායේ. ඉංගිරිසි ඇල්පබට් එකත් කොටාල තිව්ව සමහරක් එව්වායේ. ආච්චි ඔය අවුරුදු තුනහතරකට වතාවක් වහලත් ඔය එක්කම අඩුපාඩු හදෝලා කුමේර බන්දලා පිලිසකර කෙරෙව්ව. තාත්තට පෙනුම ගැන තමා කල්පනාව තිබ්බේ වහල ගැන හාංකවිසියක් නිනව් නැතූනා. දාරනිපාත වරුසාවට වහල හරහා ආපු දිය කන්දරාවට බඩු මුට්ටු සෑහෙන්න තෙමුණ. ඇම් ඩී එප් බඩු පෙඟිල ඉදිමිල ආව.
      ආච්චි වෙනුවෙන් අවුරුදු පතා දෙන දානේ දිනත් ලඟයි. අර බඩු මුට්ටු සුද්ද පවිත්‍රකොල්ල ගන්ට ඕනෑ......

      Delete
    31. මන් යනවා උම්බලකඩ කෑල්ලක් හොයන්න . සික් එව්වත් ඉවරකොට මොනවයි අය්යේ කටේ ඔබන්නේ .

      Delete
  10. අපේ ආච්චිලගේ ගෙදර තිබුන සිදරං ගහක්.....අපි පොඩි කාලෙ ඕය ගහ උඩමයි...දැන්නම් දැක්කත් දත් හිරිවැටෙනව. දැන් ඒ ගස් තිබුන තැනක් වත් හොයාගන්න බැහැ. දකින්න වත් ගහක් නැහැ.

    ReplyDelete
    Replies
    1. සිදරන් හරිම ඇඹුල් නේද

      Delete
    2. ඒ දැන්නෙ..
      අම්මේ...ඒකාලෙ කාපු තරමක්...මතක්වෙනකොටත් පුදුමයි..!

      (බින්දි..සිංග්‍රීසි වලින් ලියනකොටනම්...බිංදුව ..ලේසියි)

      Delete
    3. සිංග්‍රීසි කිවේ කුමක්ද වී

      Delete
    4. සිංහල බ්ලොග්කරුවන්ගේ සංසදය ගෙනයන බ්ලොග් පි‍ටුවේ සිංහලෙන් ටයිප් කරන හැටි, කීප ආකාරයක් දක්වා තිබෙනවා..මේ ඉන් එකක්...නමුත් මේ වෙබ් පි‍ටුවට දැන් යන්න බැරිබවක් තමයි කියන්නෙ ගූගල් දෙය්යා.. හැබැයි මෘදුකාන්ගය නම් මගේ ලැපේ තිබෙනවා.

      සිංග්‍රීසි
      සිංග්ලිෂ් වලින් ටයිප් කර සිංහල යුනිකෝඩ් ලබාගත හැකි කුඩා මෘදුකාංගයක් වන මෙය සිංහල බ්ලොග්කරුවන්ගේ සංසදයේ සාමාජිකයෙකු වන තමීර සේනානායක මහතාගේ නිර්මාණයක්. එය ලබාගැනීමට මේ අඩවියට පිවිසෙන්න http://singreesi.vndv.com

      Delete
    5. මන් බලන්නම් වී . ස්තුතියි

      Delete
  11. බින්දි, රත්නපුර බස් ස්ටෑන්ඩ් එකේ මීට අවුරුදු 25 කට 30 කට කලින් නාරං විකුණපු අය අදත් එතනම ඒ රස්සාවම කරනවා. එකම වෙනස එයාලගෙ ඇඳුම් වල ටැග් එකක් එල්ලලා තියෙන එක විතරයි ,අනන්‍යතාවය තහවුරු කරන්න.

    1.නාරං විකුණුවේ - නාරං...ජම නාරං....ලාරං....ලාරං....(න ශබ්දය යාන්තම් ගෑවෙන්න "ලා" ශබ්දය උච්චාරණය කරනවා බොහෝ ඈතට ඇහෙන්න.
    2.නෙල්ලි - පස්ගෝරස නෙල්ලි...ලෙල්ලි ලෙල්ලී....(‍න වෙනුවට ල )
    3.ගඩිගුඩං- ඉලංගා මිදි ගන්න....ලංගා මිදි....ගඩි ගුඩු ගුඩු
    ගුඩු.....
    4.දෝසි - ඉ..දෝස්...දෝස්....දෝසි....
    5.අන්නාසි - ඉයන්...නාස්....සි...ඉයන්...නාස්....සි
    6.රඹුටන් - මල්වා...න්න්නෙ එක...මල්වා...න්න්නෙ එක...පැණි ගෙඩිය ගන්න...පැණි ගෙඩිය (හැබැයි ඉතින් කටහරියෙ තියන්න බෑ ඇඹුල් - ඒක වෙනම කතාවක්)

    තවත් තියෙනවා,ඔය මදෑ නේද...?

    ReplyDelete
    Replies
    1. රඹුටන් විකුනද්දී "ලොකු එක - රට එක - රස එක" කියලා කියන්නෙ නැද්ද.? :D

      Delete
    2. ඔය ඉන්නේ රත්නපුරේ කට්ටිය . ස්තුතියි සුමිත් . මට ඔය ලෙල්ලි අමතක වෙලා තිබුනේ . අනික මෙහෙ නැතිම ජාතියක් .

      බුරෝ රඹුටන් ගැන නම් කතන්දර ගොඩක් තිබේ . අපේ අනික් ආච්චිලා මල්වාන කිට්ටුව .

      Delete
    3. ඔටුව ඔටුව-- පිට ඔටුව යන අය නගින්න... පොල්ල අල්ලන් ඉස්සරහට යන්න

      තමයි මට මතක් වුනේ...

      Delete
    4. බස් කතා දවසක ලියමු සිරා

      Delete
  12. ඔව් අපිටම හුරු වෙච්ච රස එන්නෙ නම් අතීතයේ අප්ට තියෙන ඒ අත්දැකීම් එක්කම තමයි..ඒක ගැන තර්කයක් නෑ.. අර බුල්ටො, අලි බුල්ටො, නාරන් බික් කියලා ආපු ලොසින්ජර්...අපි පණු පෙති කිය කියා කාපු පෙපර්මින්ට්...මන් නම් තාම ආසයි..අපේ වත්තෙ ලොකු කාමරංගා ගහක් තිබ්බා..අදටත් සුපර් මාකට් එකේ star fruit තිබ්බොත් මන් ගන්නවා නෙ වර්ගය වෙනස් උනත් රස එමමයි..

    ReplyDelete
    Replies
    1. වෙනි කිව්ව දේවල් ඔක්කොටම මන් ආසයි . කාමරංගා නැතුව . දැන් සුපර් මාකට් වල තියෙනවද . මෙහෙත් ටිකක් ජනප්‍රියයි . මන් පොඩි කාලේ අකමැති නිසා අදටත් ආස නැහැ . අපි ලඟදි ගිය දිහා ගස් ගොඩක් තිබුනා .

      Delete
  13. අතීතය මිහිරියි...ඒක මටත් පොදුයි... අපේ නිවස පිටුපස තියෙන පැණි නාරාං ගසේ දශක දෙකකට වඩා කල් හට ගැණුනු මිහිරි ඵල වැඩිපුරම භුක්ති වින්දෙ අපේ පැත්තෙ කුඩා ළමයි... මගේ දෙමාපියෝ ඒ අයට ඒවා ලබාදුන්නෙ බොහොම සන්තෝෂයෙන් නොමිලේ... දැන් අනිත් හැමදේම වගේ ගහත් වයසට ගිහින් ඉස්සර වගේ ගෙඩි උපද්දන්න ගහට ශක්තියක් නෑ වගේ.. නාරං රස භුක්ති වින්ද ළමයි දැන් උන්ගෙ පැටව් උස්සගෙන නාරාං තියෙනවද බලන්න එද්දි තමා කාලය ගතවෙලා තියෙන වේගය ගැන අවබෝධයක් එන්නෙ...

    ReplyDelete
    Replies
    1. තවත් හිතන්න දෙයක් . ගසුත් වයසට යනවා . ඒ ළමයින් තමන්ගේ ළමයින් වඩාගෙන එද්දී සිරාටත් ඒ ගැන හිතන්න සිද්ධ වෙනවා නේ

      Delete
    2. ඔය ඉසව්වෙ නැද්ද අපිට කැපෙන කුල කුමරියො එහෙම...

      Delete
    3. අම්මෝ ඔය ගැන මන් පොස්ට් කට්ටක්ම දාන්නම් .

      Delete
  14. හ්ම්...!! බින්දියො ඒ පාර මෙහෙ ජමනාරං....‍වර්තමානයේ දකින අහන කියන කරන මොනයම්ම දේ හරහා වුණත් අතීතයට ගිහින් මතකය හරාවුස්සා අරන් ඒක අකුරු කරන්ඩ උත්සාහ කරන එක අපි වැඩි දෙනෙක්ට තියෙන පොදු රෝග ලක්‍ෂණයක් මට පේන්නෙ...

    ReplyDelete
    Replies
    1. ඔව් ජනු ඔය රෝගය උත්සන්න වෙනවනේ කාලයකට . ඔයාගේ අලුත් ලිපිය ඉස්තරම් . දැන් අප්ඩේට් වෙනවද කියා බැලුවද

      Delete
    2. ඊයෙ බලද්දි නං බ්ලොග්රෝල්වල අප්ඩේට් වෙලා තිබුණ...පෙම්බරය කියන විදියට ෆීඩ්ස් වැඩ.. එයාගෙ රීඩර් එකේ මගෙ අලුත් පෝස්ට් අප්ඩේට් වෙනව... ඔය දැං සති දෙකකට විතර කලින් තත්වෙ.. මේ දවස්වල අපි දෙන්නටම ඕක ගැඹුරින් බලන්ඩ වෙලාව මදි අනේ... සෙනසුරාද ඉරිද වෙනකල් පොඩ්ඩක් ඉන්ඩකො...වැඩේ ගොඩ දාන්ඩ

      Delete
    3. හරි හරි දැන් හරි ජනු ..

      මාත් මේ මගේ පෙම්බරය එනකම් ඉන්නේ විජේසේකර ඩවුන් ලෝඩ් කරගන්න . මේකෙන් ඔබගේ කම්පියුටරේට හානි වෙන්න පුළුවන්ය කියල එක එක පණිවුඩ එද්දී බයයි අනේ .

      Delete
    4. බින්දි,බය වෙන්ඩ එපා.... ඕක බාගන්න ගමන් කීබෝඩ් ලේඅවුට් එකක් අරගන්න... මොනව හරි ගැටලුවක් තියේ නං මං දැන් ඔයාගෙ මූණූ පොතට පයින්ඩයක් එවනව ඒක බලන්ඩකො...

      Delete
  15. මේ බ්ලොගයට ගොඩ උනේ අදමද මන්දා...දිගටම එන්නම් , මම ෆලෝ කරලත් තියෙනවා එත් මග හැරිලා ..
    මටනම් ටයිපින් වලට ලේසිම ගූගල් සිංහල

    ReplyDelete
    Replies
    1. මටත් ඔය ෆලෝ කලාට බ්ලොග් රෝලේ නැති බ්ලොග් වලට යැවෙන්නේ කලාතුරකින් . අවුරුද්දකින් විතර ලිව්වේ නැති බ්ලොග් අහක් කරලා අලුත් ටිකක් දාගන්න ඕන .

      Delete
  16. ඕනෙම ආහාරයක්, පලතුරක් ගැන ටිකක් ගැමුරින් විග්‍රහයක් කළාම ශාස්ත්‍රීය විදියට කන්නම තමයි හිත පහළ වෙන්නේ. මොනව නැතත් නෙළුම් විලේ ආහාර පානවලින් නම් අඩුවක් නෑ

    ReplyDelete
    Replies
    1. ඔව්නේ ..මුකුත් නැත්නම් නෙලුම් අල කොළ නෙලුම් ඇට වුනත් කතහැකි . කුස්සිය තමයි හොඳම රසායනාගාරය . දැන් බලද්දී ලේඛන කලාවටත් හොඳම තැනක් කුස්සිය

      Delete
  17. මේ ටිකේ මොනවත්ම කරගන්න විදිහක් නැතිව හිටියෙ. මේකෙ කතාව හුඟක් දුර ගිහින්නෙ. මාත් හරියට සිංහල වරද්දනවා. දන්නා කෙනෙක් නිවැරදි කරත්වා!

    //මගෙ වාසනාවට එහෙම වෙන්න ඕන නැහැ කියන මනුස්සයෙක් ජිවිතේ බෙදා ගන්න ලැබිල තියෙනවා. // මේ ටිකම මදැයි මේ කරන කෙරුවාවට.
    අපරාදේ කියන්න බැහැ මටත් එහෙමයි. ඒක නම් පෙර කරපු පිනක් දෝ කොහෙද? බින්දි.

    ReplyDelete
  18. මට උදව් කරන ප්‍රධානී එලී මාක්ගේ යහපත් ක්‍රියා පිළිබඳ මගේ සාක්ෂිය මෙයයි .... මම ඇමරිකා එක්සත් ජනපදයේ උතුරු කැරොලිනාහි Ear න් අර්නිස් ය. පසුගිය වසර 3 ක් තිස්සේ මා හැර ගිය මගේ ස්වාමිපුරුෂයා මෙම අක්ෂර වින්‍යාසයේ උපකාරයෙන් නැවත පැමිණියේය, අවසානයේදී මට මෙම පුද්ගලයාව බ්ලොග් අඩවියක දී මුණගැසුණේ එක් අයෙකුගේ උපකාරය සඳහා සේවාදායකයකු විසිනි, මම ඔහුට සියල්ල පැහැදිලි කළ අතර ඔහු මට ඔහු දන්නා අක්ෂර වින්‍යාසය සහ මගේ ගැටළු ඔහුට පැවසීම සඳහා අක්ෂර වින්‍යාසයට ලිවීමට ඔහු මට ඔහුගේ වට්ස්ඇප් එක ලබා දුන්නේය. සති 2 කින් මගේ ස්වාමිපුරුෂයා මා වෙත නැවත පැමිණියේය. මට මේ සත්‍ය සහ අවංක අක්ෂර වින්‍යාසයට ස්තූතියි කියන්න අවශ්‍යයි, සර් ඔබ මට කී සියල්ල ඉවරයි, ස්තූතියි සර්. කරුණාකර මට ඔවුන්ගේ ගැටලුවට විසඳුමක් සොයන සෑම කෙනෙකුටම පැවසීමට අවශ්‍යයි, මෙම අක්ෂර වින්‍යාසය කාරුණිකව විමසන්න, ඔහු සැබෑ ය, ඔහු බලවත් ය, අක්ෂර වින්‍යාසය කුමක් කීවත් සිදුවන්නේ කුමක් ද යන්න, මන්ද අක්ෂර වින්‍යාසය මට පැවසූ සියල්ල පැමිණියේය සමත් වීමට. ඔබට ඔහුව සම්බන්ධ කර ගත හැකිය: whatsapp + 2349015088017, විද්‍යුත් තැපෑල: markmonroy869@gmail.com

    ReplyDelete
  19. මට උදව් කරන ප්‍රධානී එලී මාක්ගේ යහපත් ක්‍රියා පිළිබඳ මගේ සාක්ෂිය මෙයයි .... මම ඇමරිකා එක්සත් ජනපදයේ උතුරු කැරොලිනාහි Ear න් අර්නිස් ය. පසුගිය වසර 3 ක් තිස්සේ මා හැර ගිය මගේ ස්වාමිපුරුෂයා මෙම අක්ෂර වින්‍යාසයේ උපකාරයෙන් නැවත පැමිණියේය, අවසානයේදී මට මෙම පුද්ගලයාව බ්ලොග් අඩවියක දී මුණගැසුණේ එක් අයෙකුගේ උපකාරය සඳහා සේවාදායකයකු විසින් ය. ඔහු දන්නා අක්ෂර වින්‍යාසය සහ මගේ ගැටළු ඔහුට පැවසීම සඳහා අක්ෂර වින්‍යාසයට ලිවීමට ඔහු මට ඔහුගේ වට්ස්ඇප් එක ලබා දුන්නේය. සති 2 කින් මගේ ස්වාමිපුරුෂයා මා වෙත නැවත පැමිණියේය. මට මේ සත්‍ය සහ අවංක අක්ෂර වින්‍යාසයට ස්තූතියි කියන්න අවශ්‍යයි, සර් ඔබ මට කී සියල්ල ඉවරයි, ස්තූතියි සර්. කරුණාකර මට ඔවුන්ගේ ගැටලුවට කිසියම් විසඳුමක් සොයන සෑම කෙනෙකුටම පැවසීමට අවශ්‍යයි, මෙම අක්ෂර වින්‍යාසය කාරුණිකව විමසන්න, ඔහු සැබෑ ය, ඔහු බලවත් ය, අක්ෂර වින්‍යාසය කුමක් කීවත් සිදුවන්නේ කුමක් ද යන්න, මන්ද අක්ෂර වින්‍යාසය මට පැවසූ සියල්ල පැමිණියේය සමත් වීමට. ඔබට ඔහුව සම්බන්ධ කර ගත හැකිය: whatsapp + 2349015088017, විද්‍යුත් තැපෑල: markmonroy869@gmail.com

    ReplyDelete
  20. මට උදව් කරන ප්‍රධානී එලී මාක්ගේ යහපත් ක්‍රියා පිළිබඳ මගේ සාක්ෂිය මෙයයි .... මම ඇමරිකා එක්සත් ජනපදයේ උතුරු කැරොලිනාහි Ear න් අර්නිස් ය. පසුගිය වසර 3 ක් තිස්සේ මා හැර ගිය මගේ ස්වාමිපුරුෂයා මෙම අක්ෂර වින්‍යාසයේ උපකාරයෙන් නැවත පැමිණියේය, අවසානයේදී මට මෙම පුද්ගලයාව බ්ලොග් අඩවියක දී මුණගැසුණේ එක් අයෙකුගේ උපකාරය සඳහා සේවාදායකයකු විසිනි, මම ඔහුට සියල්ල පැහැදිලි කළ අතර ඔහු මට ඔහු දන්නා අක්ෂර වින්‍යාසය සහ මගේ ගැටළු ඔහුට පැවසීම සඳහා අක්ෂර වින්‍යාසයට ලිවීමට ඔහු මට ඔහුගේ වට්ස්ඇප් එක ලබා දුන්නේය. සති 2 කින් මගේ ස්වාමිපුරුෂයා මා වෙත නැවත පැමිණියේය. මට මේ සත්‍ය සහ අවංක අක්ෂර වින්‍යාසයට ස්තූතියි කියන්න අවශ්‍යයි, සර් ඔබ මට කී සියල්ල ඉවරයි, ස්තූතියි සර්. කරුණාකර මට ඔවුන්ගේ ගැටලුවට විසඳුමක් සොයන සෑම කෙනෙකුටම පැවසීමට අවශ්‍යයි, මෙම අක්ෂර වින්‍යාසය කාරුණිකව විමසන්න, ඔහු සැබෑ ය, ඔහු බලවත් ය, අක්ෂර වින්‍යාසය කුමක් කීවත් සිදුවන්නේ කුමක් ද යන්න, මන්ද අක්ෂර වින්‍යාසය මට පැවසූ සියල්ල පැමිණියේය සමත් වීමට. ඔබට ඔහුව සම්බන්ධ කර ගත හැකිය: whatsapp + 2349015088017, විද්‍යුත් තැපෑල: markmonroy869@gmail.com

    ReplyDelete
  21. මට උදව් කරන ප්‍රධානී එලී මාක්ගේ යහපත් ක්‍රියා පිළිබඳ මගේ සාක්ෂිය මෙයයි .... මම ඇමරිකා එක්සත් ජනපදයේ උතුරු කැරොලිනාහි Ear න් අර්නිස් ය. පසුගිය වසර 3 ක් තිස්සේ මා හැර ගිය මගේ ස්වාමිපුරුෂයා මෙම අක්ෂර වින්‍යාසයේ උපකාරයෙන් නැවත පැමිණියේය, අවසානයේදී මට මෙම පුද්ගලයාව බ්ලොග් අඩවියක දී මුණගැසුණේ එක් අයෙකුගේ උපකාරය සඳහා සේවාදායකයකු විසිනි, මම ඔහුට සියල්ල පැහැදිලි කළ අතර ඔහු මට ඔහු දන්නා අක්ෂර වින්‍යාසය සහ මගේ ගැටළු ඔහුට පැවසීම සඳහා අක්ෂර වින්‍යාසයට ලිවීමට ඔහු මට ඔහුගේ වට්ස්ඇප් එක ලබා දුන්නේය. සති 2 කින් මගේ ස්වාමිපුරුෂයා මා වෙත නැවත පැමිණියේය. මට මේ සත්‍ය සහ අවංක අක්ෂර වින්‍යාසයට ස්තූතියි කියන්න අවශ්‍යයි, සර් ඔබ මට කී සියල්ල ඉවරයි, ස්තූතියි සර්. කරුණාකර මට ඔවුන්ගේ ගැටලුවට විසඳුමක් සොයන සෑම කෙනෙකුටම පැවසීමට අවශ්‍යයි, මෙම අක්ෂර වින්‍යාසය කාරුණිකව විමසන්න, ඔහු සැබෑ ය, ඔහු බලවත් ය, අක්ෂර වින්‍යාසය කුමක් කීවත් සිදුවන්නේ කුමක් ද යන්න, මන්ද අක්ෂර වින්‍යාසය මට පැවසූ සියල්ල පැමිණියේය සමත් වීමට. ඔබට ඔහුව සම්බන්ධ කර ගත හැකිය: whatsapp + 2349015088017, විද්‍යුත් තැපෑල: markmonroy869@gmail.com

    ReplyDelete